Atur Pasrah utawa Panampi Pinanganten ing Pahargyan

                Pasrah penganten lanang ana kang dilaksanakake nalika acara midodareni, yaiku ing wengi sadurunge acara ijab lan majemuk ditindakake. Ana uga kang adani sadurunge acara ijab kabul, lan uga ana kang dilaksanakake sadurunge acara panggih utawa majemuk.

            Pasrah calon penganten ing midodareni wektune beda karo wektu panggih, mula tetep kudu diadani, dene pasrah calon penganten ing acara ijab lan acara panggih biasane ana ing wektu kang padha. Ijab kabul adakane diterusake acara panggih, utawa yen arep diadani ing sadurunge panggih, becike ora usah dipasrahake sadurunge ijab kabul. Kaya mangkono iku mung kanggo ngringkes wektu bae, nanging yen arep dileksanakake loro-lorone ya ora apa-apa.

            Cengkorongan sesorah pasrah penganten utawa nampa pasrah penganten ing upacara adat Jawa, lumrahe kaya kasebut ing ngisor iki.

a.       Salam pambuka.

b.      Pakurmatan.

c.       Puji syukur marang Gusti Allah.

d.      Nepungake dhiri kang sesorah.

e.       Atur salam taklim/kawilujengan rombongan pengiringan calon manten.

f.       Wigatining sedya, yaiku masrahake calon penganten lanang lan saubarampene.

g.      Pamuji utawa pangarep-arep.

h.      Panyuwunan pangapura tumrap kulawarga calon penganten lanang.

i.        Panyuwunan pamit ( yen mengkone ora ana acara pamitan )

j.        Panutup ( panyuwunan pangapura tumrap kang sesorah: masrahake/ nampa).

k.      Salam panutup.

Buku Basa Jawa untuk SMA Kelas XII