GEGURITAN

Sadurunge Kowe Mlayu

Dening: Jonet Rifa

Kringet iki durung asad dleweran ing anggaku

Mijet ndadah nggulawentha amrih basuki

Ora suwe maneh kowe padha lunga

Luka saka amben dadahan iki

Kabeh padha nggusah amrih ora kesuwen ana kene

Lunga kanthi gegama kang sekti

Murakabi mring pribadi lan sasami

Lamun kowe mlayu aja lali papan kene

Mung pandongaku kabeh tansah rahayu

Sing ana mung guru sejati

Lurunen kaya ilining banyu

Ngudi ridhaning Gusti

Karanganyar, 2012